Paiwang Konyak-i IT&C directorate building yangluba reprangdang

Dimapur, September 16 (TYO) : September 16, 2015 nü IT&C, Transport & Civil Aviation Minister, Paiwang Konyak-i tang teyangludak IT&C directorate building Kohima semdang.
Iba mapang Paiwang Konyak-i reprangdang aser contractor den department ketdangsertem den ajurutepa sensaksem.
Software Technology Park lapoktsü atema November 2015 tashi nung ki mezüngbuba aser tanabuba menden renemdaktsünür, ta tanü Paiwang-i ketdangsertem dang ashi.
Nagaland nung aliba nübortem ajangzükdaktsütsü atema IT&C department nung ketdangser aser staff ajaki meranga inyaktsü ayongzüker. Ni mangdang ka yua lir aser ibaji Department ajak atema IT&C department ya ‘single window’ kümdaktsünür, ta Paiwang-isa ashi.
Thizama gate anasa IT&C directorate building Kohima ya October 2012 nungi yanglutsü tenzük aser March 2016 tashi nung tembangtsü imlar.