Pak-i 6 nem tasüba temerenshi agütsür

Islamabad, August 14 (Agencies): Pakistan nung tentetba okadak kati yaküm Pesawar nung tila tanur 134 tashi kaseta lendong atalokdaktsüba ken o nung aitsüba sülen aibelener 6 nem tasüba temerenshi yashi Brehostibar nü agütsüogo.

Yashi merenshir 6-i yaküm December ita Peshawar nung mitkari tenteta ketdang asüba school amaker Taliban telok yari ta nangzükba osanga jangjaogo.

“Ozüngi meleba ama, okadak ken o kanga junga angadangba sülen parnoki aibelenba kuli tejangja nguteta aibelener 6 nem tasüba temerenshi agütsüogo,” ta Pakistan Chief of Army Staff, Raheel Sharif-i osang jangjashitsü.

Paisa ashiba agi, tan merenshirtem nem agütsüba o bendangji okadak tanaben reprangshitsü asoshi parnok nem temeten agüja lir.