Pak-i India den ken o jembiba asentenshitsü imlar

Islamabad/New Delhi, February 04 (Agencies): Pakistan nung minister kati, kidanger linük (India) nung assembly elections tembangba sülen India den yimjung ken o jembitsü atema tensa junga akumtsü ta Pakistani imlar, ta metetdaktsü.
“Onoki amanger, March ita tashi nungbo item election atemtsü, aser India den yimjung ken o jembitsü atema tensa ajungtsü,” ta Planning & Development Minister, Ahsan Iqbal-i ashi.
US Institute of Peace nung tasüngdangba ka langzüdang American think-tank, Iqbal-i, India nung assembly election nung Pakistan ji tongtibang onük ka lir, ta ashi.
“Iba ya (election nung Pakistan onük ka kümdaktsüba) kanga tia maka. India aser Pakistan na yimjung nung liasü, onoki geography memelenshitettsü (kidangersa alitsü), joko yimjung atema bilemtsüla,” ta paisa ashi.