Pak-i India nunger angopur 86 chiok

Rajkot, March 20 (Agencies): Tanü Pakistan-i Landhi jail nungi India nunger angopur 86 chiokogo.
National Fish workers’ Forum (NFF) secretary, Manish Lodhari-i, “Deobarnü Pakistan-i angopur 86 chiokba osang onoki nguogo aser parnok March 24 mesüra 25 nü Gir-Somnath nung aliba Veraval station tonga arutsü,” ta ashi.
March 5 nüa Pakistan-i Landhi Jail nungi angopur 86 chioka liasü aser March 8 nü parnok Gujarat nung pei yimtsüngtem tonga liasü.
Pakistan nung aliba jail balala nung Gujarat nunger angopur 450 dak tema lir aser parnok ajakji International Maritime Boundary Line anasa tzüyim nung arrtsü adena oa ango apuba ajanga Pakistan Marines temi apubatem lir.
Tamalen Rajya Sabha MP, Chuni Gohel-i shidi ka ajanga External Affairs minister, Sushma Swaraj dang Pakistan nung aliba jail nung asür angopur ana tasümang bener arutsü atema mepishia liasü.