Pak-i kiralongrar 28 tepset; tesep 4 tashi poksatsü

Islamabad, September 19 (Agencies): Pakistan mitkartemi par fighter jet tayimtsütem amshia Khyber Agency aser North Waziristan na nung atsüka aliba kiralongrar 28 shi tepsetba aser parnok aika yirutsüba osang ka mitkar ketdangsertemi tanü Honibar nü metetdaktsüogo.
“Pakistan mitkar tayimtsütem amshia kiralongrartem tepseta yirutsüba den külemi, parnoki tentetba tesepa 4 tashi poksatsüba osang jangjaogo,” ta sorkari ketdang asüba Nation osangia metetdaktsü.
Tan amakba maparen ya yashi aser tanü na tsüngda inyakba osang jangjaogo ta osangi shisem.
Pakistan nung tentetba Taliban telok, Tehreek-e-Taliban Pakistan (TTP) nung tongti commander ka tan asürtem rong nung densemba osanga jangjaogo ta ketdangsersangi ashi.
“Khyber Agency kübok Tirah Valley nung kiralongrar 18 aser North Waziristan kübok Shawal nung kiralongrar 10 tepsetba osang jangjaogo,” ta pai osang jangjashitsü.