Pak-i nuclear oset bentetba Shaheen-1A missile tendanger

Islamabad, December 15 (Agencies): Pakistan-i tongpang nung amshitsü nuclear oset bentetba ballistic missile tasen ka tendanga tanü Mongolbar nü kadokogo.
Alima dang memetetdaktsüba tesem ka nungi tanü tendanga kadokba Shaheen-1A missile-ji Arabian Sea nung tsükba osang jangjaogo.
“Tanü tendanga kadokba missile-ji nuclear oset densema, tongpang nung amshitsü osettsüset kilometer 900 tonga kadoktetba missile ka lir,” ta Director General, Strategic Plans Division, Lieutenant General Mazhar Jamil-i osang jangjashitsü.
Pakistan mitkartemi kidangsüa aliba India linük nung tentetba yimti aika tonga kilometer 2,750 meta tonga otetba missile ka tendanger anogo ishika tsüngda nung tan missile tasenbaji tendanga kadoker lir.