Pak-i October 16 nungi India nunger Channels shibangtsü

Islamabad, October 05 (Agencies): India-Pakistan tesentaktep kanga mejungi aliba mapang ka nung tanü Pakistan’er electronic media watchdog-i sangdong ka ajanga, October 16 nungi tenzüka temelaba makai India nunger programmes sayuba TV channels shibangtsütsü, ta metetdaktsü.
Temelaba makai ozüng alema India nunger sentongtem sayuba company tem licenses agientsü atema Pakistan Electronic Media Regulatory Authority (PEMRA)-i Chairman Absar Alam nem tashi agütsüogo.
Iba tetuyuba alema India nunger sentongtem channels nung sayura item company  license agienang/anenjang, ta sangdong nung shia lir.
PEMRA-isa, nüburtemi India nunger programmes Pakistan nung mesayutsü akhanger, ta ashi.
PEMRA ozüngtem nung, linük nung aliba local channel temi bendangertem indang shilem 5 dang sayutsü latetja lir, ajisüaka Pakistan nunger channels aikati bendangertem indang, talisa India, Turkey, America aser Europe indang programmes sayur.