Pak-i Submarine 8 tashi China nungi alizüktsü

Islamabad, July 24 (Agencies): Pakistan-i China sorkar nungi tzü telung nung senzüba submarine rong 8 tashi alizüka par tzüyim sepai tashi tali itshitsütsü nükjidong nung China den sen million jenti jenjang aketba tezüngzüktep ka agiogo.

Pakistan Finance Minister, Ishq Dar aser China sorkari ketdang asüba China Shipbuilding & Offshore International Company Limited (SCOC) Tir, Xu Ziqin nati iba tezüngzüktepji Islamabad yimtiba nung agiba osang jangjaogo.

“Pakistan dang submarine rong 8 tashi ayoktsü tezüngzüktep ka China-i Pakistan den agiogo,” ta Express Tribune osangia metetdaktsü.

Osangisa ashiba agi, Pakistan-i shilem 4 küma lemsar sen agütsüba sülen China nungi submarine rong 8-ji alizüktsü nangzüktepa lir.

Ajisüaka, Beijing sorkari tatembangküma agizükba sülen ang Pakistan dang submarine rong ayoktsü tezüngzüktepji mapa küma inyaktsü ta China’er finance ministry-i metedaktsüogo.