Pak-India ken o jembitsüji Pakistan dak aket: Ajit Doval

New Delhi, January 11 (Agencies): Pakistan linüki Pathankot amaktsü asameyangertem anema mera magira India aser Pakistan na tsüngda foreign secretary-level ken o mejembitettsü, ta Hombar nü National Security Adviser, Ajit Doval-i ashi.

NDTV den interview agiba mapang Doval-i, “Pakistan-i mera agi nung ang India-i ken o jembitsü,” ta metetdaktsü.

January 15, 2016 nü linük ana tsüngda foreign secretary-level ken o jembitsü sentong renema liasü.

Taoba hopta kiralongrartemi Pathankot amakba sülen India-i, “Linük ana tsüngda maneni ken o jembitsüji Pakistan dak keta lir,” ta shiogo.

“Ibaji Pakistan dak aket. Pathankot amakba atema Pakistan-i kechi telangzüba agütsür ibaji tan atema onük tongtibangtiba lir,” ta External affairs ministry otongdar, Vikas Swarup-ia shiogo.

“Kiralongrartemi Pathankot air force base amakba sülen ano maneni arrtsülen nungi kiralongraba nung temulung agütsüogo,” ta paisa ashi.