Pak Navy-i Gujarat tzüyimkümlen India nunger ka kahset

New Delhi, September 18 (Agencies): Gujarat tzüyimkümlen Pakistan Navy temi India nunger angopur rong ana nung injang kahloktsüba mapang India nunger angopur ka kahsetogo.

Osang ajanaga angazükba agi, Pakistan Navy temi India nunger angopur rong- Premraj aser Ramraj na dak injang kahloktsü. Rong nungji angopur 5-6 shi mener September 8 nü Okha nungi apusoa liasü.

Asür sangji Okha nungi Bhatti Iqbal Abdul liasü ta jangjaogo.

Osang ajanga ashiba agi, angopurtem rongji bushitsü atema coast guard rong ana apusoa ogo, aser rongji India tzüyimkümleni tonga anir arutsü.

Mezüng asadangba ajanga bushitetba agi, India nunger angopurtem rongji International tzü nung liasü aser Pakistan nunger tzü tsütsüleni ao.

Delhi nung External Affairs Ministry-i sangdong ka ajanga, item tatalokba ajunga jangjaba sülen ang official sangdong ka agütsütsü, ta shiogo.