Pak nunger tepouktak India nunger 445 lir

New Delhi, February 25 (Agencies): Tang Pakistan nunger tepouktak balala nung India nunger 445 lir, aser parnok timbaka angopurtem lir, ta tanü sorkari Rajya Sabha nung metetdaktsü.
Iba dak alia 1971 küm nungi tang tashi samar alir mitkar 74 ji Pakistan nunger tepouktak alitsü südi ta bilemer, ta minister of state for external affairs, VK Singh-i ashi.
Paisa, India nunger angopur 392 aser India nunger civilian 53 Pakistan nunger ket nung lir, aser parnok tekaratiba nung chioktsü atema sorkari Islamabad den jembidar, ta ashi.
Minister Singh-isa, 2015 küm bendanger tzü nung India nunger angopur 1,262 tashi apu, ta metetdaktsü.
Ano tasüngdangba balaka langzüdang Singh-i, tesüiba küm asem tsüngda bendang linüktem nung lendong balala nung India nunger yiruba aser asüba nisung 2,102 liasü, parnok rongnung nisung 1,575 meyipa anir aruogo, ta ashi.
Iba dak alia yaküm April ita Nepal nung menoknok lendong atalokdang India nunger 35,000 Nepal nungi anir aru, ta paisa shisem.

You must be logged in to post a comment Login