Pak PM, Sharif-i Belarus semdanger

Islamabad, August 10 (Agencies): Pakistan Ato Kilonser, Nawaz Sharif-i anogo 3 agia semdangtsü nükjidong nung Belarus tanü Hombar nü bushiaogo.

Sharif-i tan Belarus semdangba ya Pakistan Ato Kilonser kati tan mezüngsüa Belarus semdanger lir.

Belarus tonga aoba sülen Sharif-i Belarus Tir, Alexander Lukashenko den senden ka amenba sülen Ato Kilonser densema tanüngba Belarus yimsüsürtem dena senden balala amentsü sentong renema lir ta Radio Pakisan-i tanü sangoktsü.

Sharif-i Belarus’er House of Representatives Chairman aser Council of the Republic Chairman na dena ajurutepa senden amentsü remogo.

Ano, Belarusian State University-ia Sharif nem honorary Doctorate Degree ka agütsütsü asoshi sentong renema lir.

Sharif aser Lukashenko nati külemi lungjemer Pakistan-Belarus Business Forum lapoktsüba den külemi, tenati tongti tezüngzüktep kar zülutepa agitsü.

Sharif sülen anidaka, Pakistan Informationa Minister, Pervaiz Rashid; Food Security Minister, Sikandar Hayat Bosan; Defense Production Minister, Rana Tanveer aser Special Assistant, Tariq nungeri Belarus bushia aoba osang jangjaogo.

Lukashenko-ia taküm May ita nung Pakistan semdanga par linük ana tsüngda science & technology, investment, agriculture, industries & defense production, education, media, culture aser law nunger den sentakba tezüngzütep agia liasü.