Pak & W Indies nati 1 buba Day-Night Test Dubai nung asayatsü

Karachi, August 25 (Agencies): Pakistan aser West Indies telok nati par 1 buba Day-Night Test asaya United Arab Emirates (UAE) kübok Dubai nung taküm October ita 13-17 nü tashi asayatsü renemba osang ka Pakistan Cricket Board (PCB)-i tanü, Brehostibar nü metetdaktsüogo.
Par telok 2 tsüngda asayatsü renemba test asayaji light tesangwa amshia, aonung asayaba five-day international asaya tanabuba asayar asütsü.
Tanü tashi nung Australia aser New Zealand telok nati dang Day-Night test asayaba osang bushiteta lir.
Par telok anati Test asaya 3, One-Day International (ODI) asaya 3 aser Twenty20 (T20) International asaya 3 tashi asayatsü renemer lir.
West Indies cricket board-i mulunga agizükba sülen par telok anati Kookaburra pink ball amshia par Day-Night test asayaji asayatsü renemba olen ka PCB-i metetdaktsüogo.
Tan par telok ana tsüngda asayatsü renemba series asaya Sri Lanka nung asayatsü asoshi PCB-i takok monguteti merang aser par T20 series asaya 1 buba taruba September ita 23 nü nungi tenzüka Dubai nungsa asayatsü renemogo.
Tanüngba T20 asaya Dubai aser Abu Dhabi na nung September ita 24 aser 27 nü asayaba sülen Pakistan aser West Indies telok nati September ita 30, October ita 2 aser 5 nü par ODI series Sharjah aser Abu Dhabi na nung asayatsü renema lir.
Par telok anati par Test asayatema Dubai nung October ita 13-17 nü tashi, Abu Dhabi nung October ita 21-25 nü tashi aser Sharjah nung October ita 30 nü nungi November ita 3 nü tashi asayatsü renemogo.