Pakistan actor temi Bollywood nung tan mezüngsüa shilem agitsü

Islamabad  May 5, 2016 : Pakistan nungi drama actor tem, Adnan Siddiqui aser Sajal Ali nati tan mezüngsüa Bollywood film  “Mom” nung Sridevi den külemi shilem agitsü, ta osangkaket ka ajanga metetdaktsüogo.
Siddiqui-i Sridevi kinungbo aser Ali tebu ama shilem agitsü. Iba film ya Sridevi-i produce asür aser lai iba film nung tongti shilem agitsü, ta Daily Times osangkaket ajanga metetdaktsü.
Ali iba film nung shilem agitsü osang ya hopta ishika tejangdak olulu ka ama jembia liasü ajisüaka la shilem agitsü osang tejangja tangang metetdaktsür.
Mom film nung ya asenoki film nung talangka shilem agia mangusang, actor Akshaye Khanna-a shilem agitsü aser actor Nawazuddin Siddiqui-a tongtibang mapang ka nung khen adoktsü. Iba film ya tang Georgia nung tetangokdak lir, ta osangkaket ajangsa ashi.
2007 küm tangokba “A Mighty Heart” film nung Siddiqui-i actress aser film yanglur Angelina Jolie o actor Irrfan Khan na dena külemi shilem agia lir.