Pakistan Air Force tekolakbai US drone tem khazüka yoktsü ashi

Islamabad, December 08 (Agencies): Pakistan aser United States tsüngta tesendaktep junga maliba indang osang tejangja metetdakja, Pakistan airspace nung yimzüba UD indang drone ajunga khazüka yoking, ta Pakistan Air Force (PAF) tanishir Sohail Aman-i totuyuba agütsü.
Afghanistan den atongtepa aliba Pakistan nunger tribal nisungtem aliba tesem nung US indang drone ajanga telungpur asem khaseter hopta ana sülen iba tekümdangtsü osang ya sangdong.
“Asenoki shinga nema asen airspace nung aibelen mesüdaktsütsü. Ni PAF dang drone tem khazüka yoktsü totuyuba agütsüogo, aser item rongnung US indang densema lir. Parnoki asen indang airspace-i aita linük temeden aser arrtsü temeden raksatsüra, tatok magütsütsü,” ta Air Chief Marshal Sohail Aman-i ashi.
Aser Pakistani drone tem khazüka yoktsü asoshi yimjak nung sangdongba tang ya mezüngbuba lir.
Afghanistan nung rara tenzükba sülen US mitkartemi Pakistan airspace nung aibelena operation balala agir, saka Pakistan-i aiben ola adoka mali.