Pakistan arrtsü nung jara yanglutsü sentong mali: Sorkar

New Delhi, April 12 (Agencies): India-i Pakistan den arrtsü nung jara yanglutsü sentong mali, ta tanü sorkari Rajya Sabha nung metetdaktsü.
“Pakistan den arrtsülen jara yanglutsü India sorkar sentong mali,” ta Minister of State for Home, Kiren Rijiju-i metetdaktsü.
Minister-isa, India-Pakistan arrtsü nung security atema sorkari sentong aika benoka inyakdar ta ashi.
“Item rongnung BSF sepai yokba, arrtsü atsü yangluba, border roads yangluba, floodlights inokba, BOPs yangluba, hi-tech surveillance equipments inokba, security sepaitem nem raraba hadir aser gari tajung agutsüba densema lir,” ta paisa shisem.