Pakistan aser Afghanistan senteper kiralongraba anema raratsü

Islamabad, February 20 (Agencies) : Hombarnü Pakistan Army chief General Qamar Javed Bajwa-i, Pakistan-Afghanistan arrtsülen security akangshibaji nüburtem ajak indang tsükchir ‘kiralongrartem’ anema raratsü asoshi lir, ta ashi.
Pai Rawalpindi nung aliba Army General Headquarters nung tongtibang security senden ka aniba mapang item o jembi.
Pakistan aser Afghanistan na senteper kiralongrartem anema rara aruogo aser ano iba kasa mapa maneni külemi inyaktsü, ta Inter-Services Public Relation sangdong ka ajanga metetdaktsü.
Qamar Javed Bajwa-i linük ana arrtsülen kiralongrartem nokdangtsü asoshi Afghanistan sepaitem den angatettepba aser amalitepa inyaktsü tetuyuba agütsüogo.
Afghanistan ketdangsertemi kiralongrartem den amalitepa raratsü asüngdangba Gen Bajwa-i pelashishia agizükogo.