Pakistan den final nung India nung asayartem kasa dang asayatsü

June 17, 2017 nü The Oval nung India captain Virat Kohli aser Pakistan captain Sarfraz Ahmed nati takok marok amer agiba noksa ka angur.

London, June 17 (Agencies): ICC Champions Trophy final Oval nung Deobarnü Pakistan den masaya tsüngda India nunger captain Virat Kohli-i India nunger asayartem memelenshitsü ta metetdaktsüogo.
Taoba asaya nung all-rounder Hardik Pandya-i ball aonba mapang Bangladesh nunger Tamim Iqbal aser Mushfiqur Rahim nati run aika nguteta liasü, saka Kholi-i pa ya ajak nung ajak asayar ka ta shia team nungi metugudaktsüi pusemogo.
Tang tashi nung India aser Pakistan na International Cricket Council (ICC) tournament nung 16 ben asayaa lir aser India-i 14 ben tashi koka lir.
India aser Pakistan na tsüngda asaya ya ajaki reprangner aser Deobarnü asayatsü aliba asaya yaa kanga jangratemtsüka asütsü imlar.