Pakistan den ken o jembitsü atema kiralongra tensa malitsüla: India

New Delhi, November 09 (Agencies): Brihostibarnü India-i, Pakistan den ken o jembitsü atema kiralongraatensa malitsüla, ta ashi.
Ministry of External Affairs (MEA) otongdar-i, “Onok tangatetba kasa dang lir. Ken o jembitsü atema tensa junga alitsüla. Kiralongra tensa malitsüla aser kiralongrartemi Pakistan nungi teyari mangutsüla,” ta ashi.
US Tir, Donald Trump indang mapatong tasenba- South Asia strategy ajanga India aser Pakistan na tsüngda tensa süngjemdaktsütsü merangba mapang ka nung US ketdangser tongti kati, US-i South Asia kidanger ana (India-Pakistan) tsüngda meinyaker, ta ashi.
South & Central Asia acting assistant secretary, Alice Wells-i, “South Asia strategy ajanga Pakistan aser India na tsüngda tensa süngjemdaktsütsü atema-a inyaker,” ta ashi.
“India aser Pakistan na tiyongtsüi ia inyaktsü atema United States-i maongka mebushir, ajisüaka linük anaprongla dang tekaratiba nung ken o jembitsü ajungshir. Region nung security aser tensa ajungtsü atema linük ana tsüngda tesendaktepji kanga tongtibang,” ta US ketdangserisa ashi.
South Asia nung nuclear-capable ballistic mesüra cruise missile systems tasen ajanga amokmeren adokba atema Trump administration-i tebilemtsü akar, ta laisa ashi.
“Iba region aser alimai Pakistan aser India napronglai South Asia nung nuclear rara anema nokdaktsü ajungshir,” ta lai metetdakja liasü.
Ano külen November 7 nü Pakistan Ato kilonser tasenba, Shahid Khaqan Abbasi-i, India den raratsü tebilemba mali, ta ashi. Ajisüaka Kashmir onük melatet tashibo linük ana tsüngda tensa mesüngjemtettsü, ta paisa ashi.