Pakistan diplomats tem Kolkata semdangtsü memela

New Delhi, March 15 (Agencies) : Tang World T20 asayamung nung March 19 nü India aser Pakistan na asaya nü Pakistan nunger bendang linüktem den amalitepa inyaker parnok nisung tenet-i Kolkata semdangtsü temelaba asüngdanga liasü saka India-i temelaba magütsü, ta Pakistan High Commission nung ketdangser kati Mongulbarnü metetdaktsü.
Ibai kanga tia maka mapa lir, ta ashidang ketdangser jagi, item lenirtem ya asaya mapang linük nungi cricket asayartem pusema temulung ulua asayadaktsütsü atema aotsüba liasü, ta pa tenüng meshii metetdaktsü.
“World Cup ayonger linük ka sürnung India-i parnok teinyaktsü tim meinyakteti mangatettep adokdaktsüba ya ajak asoshi kanga tia maka,” ta paisa ashi.
Pai, “Iba dak sentakba nung teinyatsü shitak inyaktsü atema Islamabad nung aliba Indian deputy high commissioner jaoka jembitsü,” ta IANS dang ashi.