Pakistan Foreign Secretary Aizaz, Abdul Basit-i melentsü

Islamabad, February 04 (Agencies) : India nung Pakistan High Commissioner, Abdul Basit-i, Aizaz Ahmad Chaudhary dang nungi Foreign Secretary mapa melenzüktsü.
Aizaz Ahmad Chaudhary ya United States atema diplomat asoshi shimtetogo, ta TV osang ajanga metetdaktsü.
Abdul Basit Foreign Secretary atema shimba ya taruba hopta ang tejangja sangdongtsü sentong lir.
Basit ya iba mapa atema küm asem tejakdang nungi shima liasü, ajisüaka inyakyim kar meindangtepba ajanga mapa mamoktsü aser ibaji melena New Delhi nung high commissioner mapa agütsü.
Pakistan nungi United States ambassador Syed Jalil Abbas Jailani-i pa lemzükba mapang tonger külen Washington nung pa mapa nungi anenogo.
Aizaz Chaudhary Washington-i mao tashi Rizwan Saeed Sheikh-i Charged D’ Affairs mapa bena atatsü.
Abdul Basit linük atongba sülen ang Pakistan-i high commissioner tasenba atema telemtetba ka agitsü, ta osang ajanga ashi.