Pakistan gari lendong nung nisung 11 asü

Khyber-Pakhtunkhwa, April 30 (Agencies) : Deobarnü Khyber-Pakhtunkhwa province nung passanger anir jajaba bus gari ka lenmang lenerlen lua tsükokba lendong nung tajemba agi nisung 11 tashi ashi, ta police-i ashi.
Lowari Top anasa atalokba gari lendong nungji nisung aika yiru aser item teyirurtemji mozü kidangi ilunga bener ao, ta osangbenertemi ashi.
Police-i ashiba agi, iba bus gari anisangi kula ka meyipba mapang pai aniba gariji mazüoktetba ajanga iba lendong atalok.
Iba gari nungji nisung 20 dak tali mena liasü aser iba bus ji Rawalpindi nungi Chitral-i aoerba iba lendong ajuru.
Pakistan nung gari lenmang kanga majungba, gari mashi aniba aser temzüng shitak mamshiba ajanga gari lendong kanga ataloker.
Pakistan osang ajanga ashiba agi, küm shia gari lendong 9,000 shi atalokba nung nisung 5,000 shi asür.