Pakistan Hockey sponsor nguogo

Karachi, Yimpoksüi/November 12 (Agencies): Hockey World Cup nung Pakistan team shilem magitettsü ama tebilemtsü kaa aliba tang bentetogo. Cricket franchise kibur kati, senotsü tsütsü mepetmesü adoker aliba PHF sponsor asütsü asoshi telemtetba agiogo.
Pakistan Hockey Federation secretary Shahbaz Ahmed-i, Pakistan Super League franchise, Peshawar Zalmi kibur Javed Afridi-i PHF den 2020 tashi atema sponsorship deal ka yangluogo.
Iba tenagzüktepba kübok senior aser junior national team international tour aser domestic hockey ajak ayimjema inyaktsü.
“Iba ya onok asoshi anisüngzük ulura. Peshawar Zalmi franchise kibur Javed Afridi-i Pakistan hockey ajungkettsü mechi par company; Haier Pakistan tenüng nung sponsorship deal ka sign süogo,” ta Shahbaz-i ashi.
“Pakistan team World Cup nung shilem agitsü asoshi India-i aotsü,” ta pai shisem.
Ajisüaka Shahbaz-i tenangzüktepba yangluba kübok sen kwi indoktsü, iba indang osang tejangjabo mashi.
Hockey World Cup ya Bhubaneswar nung Yimpoksüi/November 28 nungi Luchii/Dec 16 tashi asayatsü.
PHF puri taoba mapang sorkari parnok nem sen million 80 magütsüra Pakistan team World Cup nung shilem agitsü asoshi tetsükdaktsü adoktsü, ta shiogo.
Hockey ya Pakistan national game lir saka Imran Khan-i aniba sorkari Küptoknü tashi nung senotsü kecha magütsü.
“Onok tang asayar aser ketdangsertem visa ataba mapang ka lir,” ta PHF secretary-i ashi.
PHF puria linük nung cricket board dang loan meshiogo, saka PCB puri iba temepishiba magizük.
Shabaz-i ashiba agi, sponsorship deal anguba ajanga PHF puri Pakistan team India nung World Cup nung shilem agitsü asoshi yoktetba dang masü saka asayartem nem daily allowances agütsütettsü.