Pakistan-i PM Modi jaoktsü

New Delhi, Yimpoksüi (November) 27 (Agencies): South Asian Association for Regional Cooperation (Saarc) Summit nung adentsü atema Prime Minister Narendra Modi Pakistan-i jaoktsü ta Mongulbarnü Foreign Office otongdar Mohammad Faisal-i ashi.
Saarc Summit ya 2016 küm Islamabad nung agitsüba liasü saka Uri kiralongraba lendong atalokba sülen India-i senden malitsü atema telemtetba agi. Iba tatalokba atema Pakistan nung amenoka aliba kiralongrartem dak tai tongloktsü.
Prime Minister Imran Khan-i mezüng o jembidang India-i mera ka agira Pakistan-i ana agitsü ta shia liasü. Modi-i züluba shidi atema langzüdang Khan-i ken o tem olemtep ajanga angatetteptsü mulunga lir ta shiogo, ta Faisal-isa metetdaktsü.
“Onoki India den tongpang ka raraogo, anungji khen nung dangbo tesentaktep meyanglutettsü” ta paisa shisem.
Tanü Punjab nung minister Navjot Sidhu-i Pakistan tonga ao. Bodbarnü Kartarpur corridor lapokba sentong nung adentsü atema pa Sidhu Pakistan-i ao.
Iba Corridor ya Gurdaspur nung Dera Baba Nanak aser Narowal nung Kartarpur Gurdwara tsüngda yanglutsü aser Sikh temeshi aini aoertem visa-free travel angutsü, ta Faisal-i metetdaktsü.
Hombarnü India Vice President M Venkaiah Naidu aser Punjab Chief Minister Amarinder Singh nati Gurdaspur nung Gurdaspur indang Indian section yanglutsü atema lung azünga yutsü.