Pakistan-i Russia dang nungi Mi-35 helicopter kar alitsü akok: Tariq Fatemi

Washington, July 25 (Agencies): Pakistan-i Russia dang nungi raradang amshiba oset kar alitsü akok aser Moscow den amalitepa inyaktsü tebilemba lir, ta ketdangser tain kati ashi.
“Tesüiba küm ana tashi Russia o Pakistan na tesentaktep tajung yanglutsü meranga aruba tang süngjang atanger,” ta Pakistan Ato Kilonser meyong foreign affairs nung special assistant, Tariq Fatemi-i ashiba Russia nunger News Agency Tass ajanga osangbenertem dang ashi.
“Onoki Russia dang nungi raradang amshiba oset kar alitsü, ajisüaka aji kodang’ar ano melemtet. Russia-i Mi-35 helicopter kar Islamabad tongtsütsü sentong lir,” ta Fatemi-iasa ashi.
“Iba dak alia ano Russia-i onok electricity peria angutsü maparen nunga yaritsü,” ta pai ashi.