Pakistan lenir, Sartaj Aziz-i India NSA, Ajit Doval ajuru

Amritsar, December 04 (Agencies): Honibar aonung Punjab, Sada Pind nung Pakistan Prime Minister atema Foreign Affairs advisor, Sartaj Aziz-i India NSA, Ajit Doval ajurua liasü.
Lenir ana tsüngda minute 30 shi senden amen, ta CNN-News18 ajanga metetdaktsü.
Sartaj Aziz ya Amritsar nung 6buba Heart of Asia Ministerial Conference nung adentsü atema tang India-i arua lir.
Deobarnü Aziz-i Afghanistan Tir, Ashraf Ghani-a ajuru, aser iba mapang nung tenati rara aliba linük Afghan nung yimjung bener arutsü atema o lemtepa liasü.
6buba ‘Heart of Asia conference nung Afghanistan aser kidanger linüktemi amalitepa Afghan nung yimjung bener arutsü aser security akhangshitsü atema inyaktsü asoshi o lemteptsü atema Pakistan nungia Sartaz Aziz leniba nung ketdangsertem India-i aru.