Pakistan nung kahtepdang telungpur 9 kahset

Islamabad (Pakistan), July 12 (Agencies): Waziristan linük South aser North tsütsülen aliba Pakistan linük arrtsülen security tem telungpurtem mita aoba mapang telungpur teku kahsetogo, ta Deobar nü ketdangsertemi sangdong ka ajanga metetdaktsüogo.
Inter Service Public Relations-i, “Iba operation nung tajemba agi telungpur teku kahsetogo,” ta sangdong ka ajanga ashiba Geo News ajanga metetdaktsü.
“Iba lendong nung sepai pezüi taküm tenlaogo,” ta kasa sangdong ajanga metetdaktsü.
2001 küm United States-i anir linük telokteptemi Afghanistan linük amakba sülen, Pakistan linüka joko küm ter dak tema linük nungi poktetba Islam telungpur telok balala aika den maneni rara arudagi.
Pakistan sepaitemi North Waziristan tesemlen Taliban aser tanga telungpur telok den raratsü asoshi yaküm June ita nung ‘Zarb-e-Azab’ omen nung ajemdaker tenzük. Joko iba operation ya arrtsü aser linük telung ajak nung agitsü, ta ketdangsertemi tezüngzüktep agiogo.
Iba operation tenzükba sülen telungpur 2,700 tashi tepsetogo, ta sepaitemi shiogo.