Pakistan nung Khristan apuani tepseter 3 tasüba agi merenshitsü

Lahore, May 17 (Agencies): Pakistan nung kiralongraba anema tentetba okadak kati Khristan apuani ka tepsetertem tasüba temerenshi agütsütsü telemtetba agia aliba posema nungit.
Iba lendong ya 2014 November ita Lahore tezülen ataloka liasü.
Apuani Shahzad Masih aser Shama (mashisa liasü) na ya Yousaf Gujjar nung lungro yangludak aayangertem liasü. Iba lungru yangluba kiburi anir nisung 1,000 shi kati tenati Islam mezüngmeshi ta tai tonglokja zükset.
November 2016 nung anti-terrorism court (ATC)-i cleric Hafiz Ishtiaq-i densema nisung pungu tashi tasüba temerenshi agütsütsü oshidang agütsü.
March 2018 nung okadaki Khristan apuani mi agi rongsetertem ta temulung malemer nisung 20 tashi metenja chiok.
May 16, 2019 nü Lahore High Court-i cleric Ishtiaq aser Mohammad Hanif na metentsü aser tanüngba nisung asem- Mehdi Khan, Riaz Kambo o Irfan Shakoor nungertem tasüba agi merenshitsü lemteta aliba ama inyaktsü posema nungit.
ATC-i ozüngtem lateta aliba ama masü par pungu tasüba agi merenshitsü telemtetba agi ta tepuokdak alirtem atema lawyer-i ashi.
Lahore High Court Justice Muhammad Qasim Khan-i Ishtiaq aser Hanif na tai mali ta metentsü aser tanüngba nisung asemi temepishiba ken o benokba magizük.
Osang ajanga ashiba agi, Ishtiaq-i anameta aliba mosque tem nungi Khristan apuani na anema osangtem sangoktsütü ajungmeso. Iba sülen apuani na kanga mejungi reshikangshi aser lungro rongtetba mimong nung puoka rongset.
Iba tatalokba sülen police-i nisung 660 tashi dak tai tongloktsü aser parnok 60 tashi FIR nung tetshia liasü. December 2014 nung Supreme Court dangi bushisüngdangba osang agütsüba nung apuaninaji mimongi nung ajungoktsüdang taküm liasü.
2015 küm ATC-i Pakistan indang anti-terrorism act kübok nisung 100 tema dak tai tonglokja liasü.