Pakistan nung kiralongrar 4 khaset, 600 pua lir:Army

Islamabad, February 26 (Agencies) : Tang Pakistan nung kiralongrartem anema kanga sashia mita aoba mapang nung kiralongrar nisung pezü khasetogo aser kiralongrar ta temulung melemteti bilemba nisung 600 shi pua lir, ta Army-i Honibarnü ashi.
Kiralongrartemi tawa aiben maka nisung 100 dak tema taküm samatsüba sülen, taoba Bodhbarnü linük nung “Radd-ul-Fasaad” inyakyim kübok kiralongrartem mita aoba mapang tesashi ka tenzüka liasü.
Tang iba mita aoba mapa tasenba ya paramilitary temi linük nung agency tangatem den lokteper odar. Iba mita aoba mapa ya Punjab province nung tesashiba aoer.
Military sangdong ka ajanga ashiba agi, mita aoba mapang lendong agütsüba oset kar nguteta lir aser Pakistan Taliban den sendaktepa aliba Jamat-ul-Ahrar telok yarirtema kar pua lir.
Pakistan military otongdar Maj Gen Asif Ghafoor-i, mita aoba mapa tasenba ya kiralongrar anüngalutem ka danga manüngi samatsütsü aser linük nung tesünep bener arutsü nükjidong yur tenzükba lir, ta ashi.