Pakistan nung nüngtugu kentener Amjad Sabri kahsetogo

Karachi (Pakistan), June 22 (Agencies): Tanü Pakistan, Karachi nung mejangjaba nisung kar motorcycle ka nung arur nüngtugu kentener, Qawwal Amjad Sabri kahsetogo.
Arishi küm 45 Sabri aser pa den yaritepsang na Karachi, Liquatabad 10 tesem nung gari nung lia nisung kari tena dak injang kahloktsüba ajanga tena kanga mejungi yiurtsü. Iba sülen tena Abbasi Shaheed hospital-i anir ao ajisüaka Sabri taküm mekümzüktet.
“Tanü nikongdang Liaquatabad 10 tesem nung Amjad Sabri gari amakdang pa densema nisung asem yiru,” ta police ketdangser kati ashi.
“Pa teku aser tekolak nung kahshia yiruba sülen idangyongjisa pa Abbasi Shaheed hospital-i anir ao, aser yangji pa taküm mekümzükteti asü. Gari anisang aser pa den yaritepsang nata asü,” ta ketdangserisa ashi.
Amjad Sabri ya nüngtugu Qawwal Ghulam Farid Sabri’er jabaso lir aser par kibong ya sufi kenten aser sangro ajanga kanga nüngtugu akum.
Sabri adianutemi atenba ken ajak nüngtugu aku. Parnokindang kanga nüngtugu kentemji ‘Bhar Do Jholi Meri’, ‘Tajdar-i-Haram’ aser ‘Mera Koi Nahin Hai Teray Siwa’ kentem lir.