Pakistan nung tanur ana aonungbo paralyse akümer

Islamabad, May 07 (Agencies) : Pakistan nung adianu ana anüngdangbo kanga junga alir ajisüaka aonungbo paralyse akümba ajanga linük nung aliba doctor tem kanga bangkateper. Iba tanur ana dang ya anü tashi agi aliba tanurtem (solar kids) ta ajar.
Tena rongnung ka arishi küm 9 aser ka 13 lir. Anüngdangbo tena tangar tanurtem ama kanga junga alir. Aji oda süaka kodang anü ludir tena marakzüi akümer aser o dena mejembiteter.
Pakistan Institute of Medical Sciences nung professor of medicine, Javed Akram-i, tena ya kechi agi yamai kümdaktsürar memetet, ta Brihostibarnü Associated Press dang asih.
Pakistan yimtiba, Islamabad nung adianu anaprongla kanga junga tendangdar aser ano kanga junga tendanga küli agitsü atema tena indang azü tuzüka bendang linük aliba doctor tem dangia yokogo.