Pakistan nung telungpur 3 tasüba agi merenshi

Islamabad, May 4 (Agencies) : Pakistan nung military okadaki obendang agütsür aliba telungpur tesashi asem tashi tasüba agi merenshiogo, ta Brihostibarnü Inter-Services Public Relations (ISPR) sangdong ka ajanga metetdaktsü.
Military media wing-i ashiba agi, item kiralongrartem yagi tai maketba nüburtem tepsetba den sepaitem aser sorkkar mapa inyakertem amak.
Hussan Dar, Umer Zada aser Hazrat Ali nunger ya Tehreek-e-Taliban Pakistan (TTP) nung züngsema lir aser parnok ket nung tapoktsü bener lia apu.
Item kiralongrartemi okadak parnok tai nangzükba sülen parnok tasüba agi merenshitsü obendang agütsü.
Pakistan nung nisung pezü tasüba agi merenshir anogo ka sülen par asema tasüba agi merenshi.
Kiralongrartemi December 2014 nung Army Public School, Peshawar amakdang tanur timba dener nisung 150 dak tema tepsetba sülen linük temzüng yanglushir iba okadak tesem lapok.