Pakistan nung tzünglu agi nisung 29 asü

Islamabad, Aug 7 (Agencies) : Pakistan Sindh aser Balochistan province tem nung tzünglu kanga sashia aluba ajanga tajemba agi nisung 29 asü aser aika mangu bushitepdar, ta Deobarnü osangbenertemi metetdaktsü.
Karachi nung iba tzünglu yagi kanga mejungi kongshi aser yaji tajemba agi nisung 14 asü aser aika yiru, ta Xinhua news agency osang ajanga metetdaktsü.
NGO Edhi Foundation-i ashiba agi, nisung ti (8) bo light agi puseta asü, trok tsüngbang alua nenset aser tenet tzünglu lendong balala nung asü.
Hokolbarnü nungi Deobarnü tashi tzünglu manenei aluba ajanga gari aser tayimtsü tem mejajatettsüsa aküm.
Karachi nung gari lenmang timba ka tzü agi metsüngbangatok aser light post aika laoba ajanga tesem aika nung light mali aküm.
Metrological office ajanga ashiba agi, Deobarnü linük nung tzünglu 30 mm nungi 56 mm tashi alu, ta ashi.
Balochistan kübok Harnai district nunga tesüiba anogo ananü nung nisung ti asü aser pongu yiru. Iba den külemi ano nisung ti mangu bushidar, ta ketdangsertemi ashi.
Iba district nung gari trok tashi tzü nung angumokogo, ta police ketdangser kati ashi.
Iba tzü metsüng tesashi agi gari ka nung nisung 21 mener lia ponger aoba Deobarnü tashi nung tasümang ti bo ngutetogo.

You must be logged in to post a comment Login