Pakistan nunger Army commando 600 shi J&K telungi aita lir

New Delhi, July 29 (Agencies): Tawa Jammu & Kashmir nung kiralongrartemi kanga timtem agütsüba ya Pakistan Army indang Special Service Group (SSG) den sendaktepa lir, aser kiralongra tatalokbatem ya SSG Commando GOC, Adil Rahmani-i asalentong kübok inyaker, ta osang ka ajanga metetdaktsü.

Jammu Division aser Kashmir Valley nung tawa kiralongrartemi timtem agütsüba ya

Adil Rahmani-i asalentong yanglua inyaker. Adil Rahmani asalentong kübok Jammu division aser Kashmir Valley naprongla amaktsü sentong lir.

July 27 nü Kupwara district kübok Machil sector nung Pakistan Army indang Border Action Team (BAT)-i shilem agiba ajanga J&K nung kiralongraba nung Pakistan Army-i shilem agir ta jangjaogo.

Taoba mapang DGP, Dr. SP Vaid-i, iba ya mimshia raraba lir, aser India-ia kasa yimya nungji Pakistan nem meyiptsütsü, ta metetdaktsü.

Dr. SP Vaid-i, Adil Rahmani lenisüba kübok iba operation atema SSG commando 600 lemzükja lir aser training junga agir aliba commando temji tayimtsü ajanga region tonga anir arutsüba sülen parnok aika India telungi aitogo, ta metetdaktsü.

Commando tem jagi Pakistan Army indang elite SSG nungi Lt. Col. Shahid Saleem leniba kübok inyaktsü. Pa Jammu & Kashmir telungi aitba sülen pai commandos aser kiralongrartem nem tetuyuba agüja amaker.

Item commando temi sleeper cells aser overground workers densema region nung network yanglua amaker. Item networks ajanga parnok nem tesem balala indang osang metetdaktsüba densema teyari balala agütsür.

Dr. Vaid-i, parnoki 16 Corps (White Knight Corps, Jammu) aser 15 Corps (Chinar Corps, Kashmir) nem-a shilem agidaktsütsü meranger, aser item tesem nung nüburtem tsübudaktsütsü atema inyaker, ta metetdaktsü.