Pakistan nunger Ghulam Ali-i Kolkata nung shilem agitsü

January 5, 2016: Pakistan nungi nüngtugu kentener Ghulam Ali aser par jabaso nati Kolkata nung January 12 nü kenten sentong ka agitsü osang sangdongogo.
Iba osang ya Trinamool Congress Rajya Sabha züngsem aser party otongdar Derek O’Brien-i metetdaktsü.
“Ghulam Ali aser par jabaso nati yimti nung aliba ‘Park Circus Maidan’ nung January 12 nü ken atenba sentongka agitsü,” ta O’Brien-i twitter ajanga metetdaktsü.
Yaküm Mumbai nung iba sentong akatsü aliba mapang Shiv Sena tidaktsüba sülen West Bengal chief minister aser Trinamool party nung tekolakla, Mamata Banerjee-i yaküm October ita nung Ghulam Ali kenten sentong Kolkata nung akatsü melatsü ta shia liasü.