Pakistan nunger noksa yangluri Mahesh Bhatt noksa yanglu

Mumbai, September 20, 2015: Bollywood film yanglur mongin Mahesh Bhatt, Deobar nü arishi küm 67 ajungba nüngtem nung Pakistan nunger noksa yanglur kati pa noksa yanglua sempet agütsüogo.
Mahesh’er jala film yanglur, Pooja-i, Pakistan nungbai aonung sangwa bendanga agüja tebü noksa yangluba atema pelaba Twitter ajanga lemsatepa liasü.
“Lahore, Pakistan nungi noksa yanglur Mohammed Saeed Ghani-i aonung sangwa memejangi kübo noksa ka yanglutsüogo! Ya kanga tepelatsü ka lir,” ta Pooja-i Deobar nü Twitter ajanga lemsatepogo.
Mahesh Bhatt ang masü saka pai yangluba film tema Pakistan nung kanga saputeper. Bhatt-i, pa ya India aser Pakistan na sobaliba otsü atema lenmang tuyur ka lir, ta ashi.
Tamalena pai, kidanger linük tem taginüba metetpelatsü asoshi Bollywood film teinyaktsü kar lir, ta IANS dang ashi.