Pakistan nunger shilem 68-i India den ken o jembidaktsüner

Islamabad/New Delhi, January 07 (Agencies): Yaküm Pakistan nungi kiralongrartemi Uri nung army camp amakba nungi tenzüka India aser Pakistan na rara tensa ka nung alidang Pakistan nunger timba kati India den ken o jembidaktsüner, ta poll survey ka ajanga bushitetogo.
Pakistan nunger shilem 68 shii India den ken o jembidaktsüner, koba ajanga South Asia nung kidanger linük ana (Pakistan-India) tesempatep ajema akumtsü ta parnoki amanger, ta Gilani Research Foundation aser Gallup International den affiliate süa aliba Gallup Pakistan study ka ajanga metetdaktsü.
Pakistan kübok province pezü- Punjab, Sindh, Balochistan aser Khyber Pakhtunkhwa kübok yimtsüngtem aser jilatem nungi tetsür-tebur 1835 dang, nenoki India aser Pakistan tsüngda ken o jembidaktsüner asü? ta asüngdanga liasü.
Iba survey yaküm September 26 nü nungi October 3, 2016 nü tsüngda agia liasü.
Telangzüba agutsür shilem 31-i Pakistan aser India tsüngda ken o mejembidaktsüner aser shilem kati telangzüba magütsüi liasü.