Pakistan nungi kiralongra mapa inyaker: Richard Verma

Mumbai, February 14 (Agencies): Tanü American Ambassador to India, Richard Verma-i, Islamabad-i parnok li nung kiralongrar jenoka aliba anema ano tali inyaktsü US-i imlar, ta ashi.
Tang Mumbai nung ‘Make in India’ week amungba sentong dak sentaktepa CNN Asia Business Forum nung shisalemsatepba mapang US ketdangser Richard-i, “Tesüiba kümtem nung Pakistan dang onok oset ayokbaji civilian aser military osettem lir. Tang tesütiba F-16 aircraft ayoktsü lemtetbaji legacy sangdonga aliba den sentaktepa lir,” ta ashi.
“Pakistan litsü telung nungi lendong aketba teloktemi kiralongra mapa inyakbaji atangji lir,” ta Verma-i ashi.
Islamabad-i parnok li nungi kiralongrar teloktem anema inyaktsü nüngdaker ta shia pai, “Pakistan-i kiralongrartem anema tesashiba inyaktsü nüngdaker. Parnoki kiralongrartem jenoka alibaji samatsütsüla,” ta ashi.
US Tir, Obama’er ketdangsertemi, Pakistan dang US sen million 700 jenjang F-16 fighter jets 8 ayoktsü US Congress-i telemtetba agiogo ta sangdongba sülen anogo ka lir tanü US ketdangser Verma-i item o jembiogo.
Narendra Modi’er sorkar tenüngsanga Verma-i, tesüiba küm ana tsüngda India nung terenlok kanga lir, ta ashi.
Iba sentong nung jembidang China India tesentaktep dak sentakba nung Kerry Logistics Networks nungi George Yeo-ia, “1962 küm rara (India-China rara) indang nung India tsütsülen nungi mamatoktetba tarak alitsüa akok, ajisüaka China-ibo amatokogo,” ta ashi.