Pakistan train nungi passenger ajak kümzükogo; sepai 28 asü

Islamabad, March 12, 2025 (Agencies): Pakistan nung telungpurtemi train passengers pur aoba ajak chiokogo aser iba maparen nung sepai 28 asü ta Army ketdangsür kati ashi.

“Iba tesem nung kiralongrar 33 aliba ajak tepsetogo. Onoki final clearance operation mapang passenger kati danga lendong majuru. Iba ya masüdang kiralongrartemi passenger 21 tepset” ta DG ISPR-i ashi.

Mongulbar anüngdang Balochistan province nung telungpur telok kati train ka amak aser idakji mena aliba passengers 450 tema pur ao.

Iba atema Baloch Liberation Army (BLA)-i tenüng agiba metetdaktsüogo aser tanü parnoki train  lenmang poksatsüba, tenemlem nungi prangpong abenertem aruba aser train takdangtem telungi aiba video ka sayuogo.