Pakistan:Dawood meteta alir ka US nung puoka lir

Karachi, April 4 (Agencies) : India nung bushia alisang Dawood Ibrahim den metetepa alir, Pakistan sen melener nisung ka, sen ochi mashi amshiba ken o nung US tepuokdak ita 68 asoshi puoka yuogo, ta Mongulbarnü osangbenertemi metetdaktsü.
Altaf Khanani ya Miami tepuokdaka küm ka puoka yuogo aser pa dang Florida okadaki sen dollar 250,000 senchi chiogo, ta osang ajanga ashi. Pa puoka ayutsü obendangji March 29, 2017 nü metetdaktsü.
Khanani-i iba bushisüngdangba mapang tashi anga amalitepa inyakba ajanga sen ochi meshii amshiba tai 13 atemabo pa nem taitok agütsü.