Pakistan:Mita aoba mapang telungpur 10 khaset

Islamabad, April 8 (Agencies) : Hokolbar aonung Pakistan kübok Punjab province nung military temi mita aoba mapang Jamaat-ul Ahrar telungpur parnok nisung 10 tashi khasetogo, ta police-i ashi.
Item tasürtem rongnungji February ita nung Lahore amakdang bomb pokloktsüsang, Anwarul Haq-a densema liasü, ta osangkaket nung shia lir.
Kiralongrar anema nokdakba department nung otongdari ashiba agi, Lahore nungi telok kati Haq dena temulung melemtetba nisungtem kar Manawan-i anir aoerba kiralongrar parnok nisung 9 shi arua amak aser pua alirtem Ravi ayongleni anir ajen, ta ashi.
Anungji iba sülen ano sepai tali jasemer item nisungtem arishia ao.
Mapang tatsüka lir külen, iba aonungji item kiralongrartem ajurua parnok dang parnok sasa police nem pudakjang ta ashi, ajisüaka parnoki meyiper injang agi akhatsü tenzük. Iba mita aoba mapang nisung 10 khaset aser tangartemji jena ao.