Palaash Miss India-2015 korang atema tetsür 26 tokteptsü

Gurgaon, September 06 (Agencies): Palaash Miss India-2015 beauty pageant atema yimti 15 tashi nung audition agiba mapang tetsür 1500 nungi tatembang tetoktepba nung shilem agitsü asoshi tetsür 26 shimogo, aser Gurgaon nung Bodhbar aonung parnok rongnung kati iba takok korang angutsü.
Iba sentong ya Kingdom of Dreams nung agitsü aser fashion, cinema aser business world nungi nüngtugu nisungtema aika arua adentsü.
Palaash Miss India-2015 sentong ya Hokolbar nü Panache Global Pvt Ltd-i lapokja liasü.
Panache Global Pvt Ltd Mendenbula aser managing Director, Pallavee Sharma-i, “iba sabang ya tepor ajung benjungmung ka dang masü, saka India nung aiür million aikati pei sempet sayatettsü atema lapoktsüba sabang ka lir,” ta ashi.
Yimti aika nung audition round aika agiba sülen tatemsa finalists 26 shimogo.
Iba tetoktepba ya kibong mekümi alir aiür arishi küm 18 nungi 27 tsüngdapur aser aso tatsüba agi (minimum height) feet 5 ser inch 6 pur ajak nem maongka agüja liasü.
Palaash Miss India-2015 beauty pageant finalist tem tang anogo pongunü National Grooming Camp agidagi.