Palestinian Liberatim Theology (PLT) indang otsü

~  S. Medem Kichu, Lerie Colony, Kohima.

Iba otsü ya Palestianian nunger nisung ka tenüng agi Dr. Naim Atuk, shibai temeshi laishiba ya par Palestianian nunger tenüng nung pai mulungba nung zülusar amshir iba indang ya lir. Iba otsü ya azüngdang Mathi 24:11 nung tatem anogo nung teyazü ainkar aika adoktsü aser ano temeshipur-a aika mashileni anitsü ta shia aliba to bilüteta ya asen ajak atema meteta alitsü kanga dang tongtipang ta bilemba agi yangi tatsü agi adoktsür.
Iba otsü ya “Israel my Glory” osang koba America lima nungi adoker, July/August, 2012 Issue nungi meyipzükba lir. Iba nisung yagi ashir, shingaia temeshi laishiba ya shidak ta agizüktsü makok, kechiaser iba nung par Palestinian nunger atemabo kecha shia mali. Talisa tejen lai Lipok nungi tazüngkünem tashi koba dang ozüng kaküt (Jorah) ta ajar iba nung Palestine nunger atema kecha shia mali ta bilema iba ya magizüker. Ano yehusoa kaküt nungi 2 chubatüm tashi nung zülua aliba ajak ya par Palestine nunger lima ajak Israel nunger num agütsüba indang zülua lir ta magizüker. Pai yimjung aser azü metokshitsü atema teti jumbir, saka Palestinian nunger underground tumi mapa tamajung inyakbabo kodanga maitsür. Pa ya Palestinian nunger Khristian ka, saka pa mapabo Muslim nunger den kecha palaka masü. Saka, iba nisung ya atangji nung Muslim nunger masü. Pa ya ajaki kanga dang akümtsübuba nisung ka, shiba America lima nung Theology nung Doctor ngua azüng, Tang, iba nisung ya Yerusalem yimti nung par Arogo ka nung ordained asüba nisung ka aser ano iba den Yerusalem yimti nung aliba Ecurmenical Liberation Theology Centre nung (Sabeel Centre ta-a ajar) Director aser President inyaker.
Pai teti par nisung atema dang jumbir aser tang parnok aliba Israel lima ya par lima aliba, 1948 Israel Independence war nung parnok kütnungi rakzük ta pa kanga dang jashir. Ano pai ashir, tang amshiba temeshi Laishiba ya parnok atema kanga dang lendog” akütba kaküt ka lir ta ashir, kechiaser iba nung par Palestianian nunger atemabo kecha shia mali.
Aji asü nung Laishiba nung kongsa Israel ta zülua lir itemji pai Palestine agi melener par Palestinian nunger aser Arab khristian turn Israel nung kwika lir Parnok ajak num iba Laishibaji ang züngdaktsür. Iba tasa ajanga Palestinian nunger aser Arab nunger ajaki Israel anema mapa tamajung inyaktsü atema (In order to promote anti-Israel Agenda) pai ajungshir. Ano Tsüngremi pa sayatenya agi Israel nunger Ejib (Egypt) lima nungi anir adokba ya-a pai magizüker, kechiaser iba nunga par Palestine nunger indang kecha shia mali ta ashir, saka Ejib limai y akber kibong dang a-ashi, Palestine nunger shinga mai.
Pai yamai Israel anema mapa tamajung inyakyonga pa ya Israel nunger Senso (Citizen) ka lir aser yerusalem yimti nung alir. Pai laishiba anema inyakba talishitsü tulutibaji 1 chubatum tapu 21 nung Chuba Ahab aser Naboth na ya amshia laishiba ya aitsür, Naboth dak kecha tai mali sür nung Ahab aser tebutsü nati pa tepset aser par lu rakzükba ya lir. Chuba Ahabji tanü Israel aser Nobothji Palestine. Naboth tepseter ano par lu rakzükadokba amaji Israel nunger-i par Palestianian nunger tepseter aser par lima ajunga rakzükadok ta nuportum dang sayur, Pai, pa tesayubaji laishiba nung amendaker sayur ta ashir saka pa mapabo Muslim nunger den ~cha palaka masü. Tanübo iba Palestinian Liberation Theology yagi Tsüngremi Israel nunger dang pa tenangzükba ajak teyazü küli agi mashilen kümdaktsnr aser Laishiba ya pa mulung agi parnok den apet tenting aser ojang ajak melenshia amshiba ya Khristantnm atema kanga dang lendong akütba propaganda ka lir.
J. Adokba 22:18 (B) nung yamai ashir, aser kar-i item o nung langka bendenlokra iba kaküt nung zülua aliba temerenshitem Tsüngremi pa dak pendenloktsütsü.
Iba otsü azungba ajanga nubortum karbo sa temoatsü angutsü ta tamang tulu nung iba otsü ya adoktsür.