Pampore nung kiralongrartemi sepai 3 tepset

Srinagar (J&K), December 17 (Agencies): Tanü Srinagar anasa Pampore nung aliba Srinagar-Jammu National Highway nung kiralongrartemi army garitem amakdang sepai asem tepsetogo.
Honibar nikongdang 3:30 ako meta Pampore jila kübok Kadlabal nung kiralongrartemi army convoy ka amak, ta army temi ashi.
Kiralongrartemji motorcycle ka nung arur army dak injang sashia kahloktsüba sülen ajen, ta osang angazüker.
Security sepaitemi iba tesemji longbangogo aser kiralongrartemji mita odar, ta army ketdangser kati metetdaktsü.
Taküm October ita nunga Pampore nung kiralongrar ana sorkar kiojen kati atuba sülen sepaitem den ghonda 60 shi kahtepdang kiralongrar anaprongji tepset.
Taküm February ita nunga kiralongrartemi kasa ki, Entrepreneurship Development Institute (EDI) amak aser iba mapang nungji sepai pongu den nisung ka tepset aser kiralongrar asem kahseta liasü.