Panasonic-i ’20-inch tablet PC’ ka sayaogo

Hyderabad, October 19 (Agencies): Panasonic India-i Hombar nü 4K resolution display keta aliba, sen lakh 2.4 alang, ’20-inch tablet PC’ ka sayaogo.
Iba Toughpad FZ-Y1 nung 5th generation Intel Core Pro processor, 8 GB RAM aser input ports aika keta lir.
20-inch tablet PC ya film industry aser mozü ki nung amshitsü asoshi atakteta yangluba lir. Iba den külemi business tapu aika nung iba oset ajanga tajangzük agütsütsü.
Iba tablet nung Windows 8.1 Pro OS enokja lir aser 20-inch monitor nung inch shia 230 pixel IPS alpha LCD touchscreen keta lir.
20-inch tablet PC ya 12.5 mm temelem aser seret 2.41 tepongba asüba ajanga tereprangtsüa kanga junger. Iba tablet punglanglen glass fiber tepongba keta lir aser ibaji ajanga desktop amaia atsüketa amendakteter.
“Panasonic-i IT nung nüngdakba oset tashi tait aika yanglur aser ajakji business nung amshitsü atema atakteta yanglubatem lir. Onoki iba oset ya customer temi mepishiba anga yangluogo aser iba ya ajanga nüburtem taginüba tongtettsü,” ta Panasonic India national business nung tekolakba, Gunjan Sachdev-i ashi.