Panasonic-i 4G amshitetba Eluga Turbo smartphone sayaogo

New Delhi, January 25 (Agencies): Panasonic India-i 4G amshitetba Eluga Turbo smartphone ka sayaogo. Iba smartphone nung 1.5 GHz 64 bit Octa Core processor, 3GB RAM aser telung nung memory 32GB keta lir. Iba phone ya e-commerce website Snapdeal nung sen 10,999 agi Bodhbarnü nungi talitsü angutsü.

“2016 küm India technology market ajanga ‘Make in India’ aser 4G amshitetba osettem dak rangloker inyaktsü. 4G/LTE telecommunications technology adokba sülen onoki 4G/LTE tasenba amshitetba oset nung terenlok adokdaktsütsü,” ta Panasonic India nung mobility division tekolakba Pankaj Rana-i Hombarnü sangdong ka ajanga metetdaktsü.

Tang sayaba smartphone nung Android 5.1 (lollipop) operating system enoka lir aser phone tejaklen Corning Gorilla Glass 3 den tesülen Japan nung aliba Asahi indang Dragontrail glass enokja lir.

Phone ya 6.95 mm tapu lir aser 5-inch IPS display keta lir koba ajanga anü tesangwa agi yalokdanga noksa jangja reprangteter.

Eluga Turbo tesülen LED flash den 13-megapixel camera keta lir aser tejaklen 5-megapixel camera keta lir.

Iba phone nung 2,350 mAh capacity battery enokja aliba ajanga mapang talanglang charge mesüi amshiteter. Enokja aliba 32GB memory ji ano 32GB memory card enoksema memory tuluba kümtettsü.

Iba smartphone ya Snapdeal nung sentsü tapu balala asem nung angutsü.

You must be logged in to post a comment Login