Panasonic-i Eluga Pulse X aser Eluga Pulse smartphone sayaogo

New Delhi, March 2 (Agencies): Panasonic India-i Eluga series nung Eluga Pulse X aser Eluga Pulse smarthpnone tasen ana Brihostibarnü bendenlokogo. Eluga Pulse X sen jenjang 10,990 aser Eluga Pulse sen 9,690 agi sayaogo. Iba phone nung 4G VoLTE connectivity, fingerprint scanner aser high resolution camera tem amala densema lir. Nübortemi alitettsüsa yangluba phone tem aika rongnung iba phone ana züngsemogo.
“Eluga series nung phone tasen ana ya lanurtem, mapa inyakertem aser game asayatsü jangrartem dak rangloker design asü aser tangar dang nungi features tem balaka inoksema yanglua lir. 4G VoLTE ajanga Eluga Pulse X aser Eluga Pulse smartphone amshirtem asoshi speed tajungba agütsür, koba ajanga features tem mashi mapang nung lapoka amshitettsü,” ta Panasonic India Mobility Division, shishilembaba nung tekolak, Pankaj Rana-i phone sayaba sentong nung ashi.
Eluga Pulse X aser Eluga Pulse nung slim metallic body, HD (1280 x 720) resolution IPS display koba asüksatsü nungi kümzüktsü asoshi Asahi Dragon Trail protective glass, 1.25 GHz quad core processor aser Android Marshmallow 6.0 nunger amala features ta keta lir.
Eluga Pulse X nung 16 GB internal storage aser 3 GB RAM lir, aser Eluga Pulse nung 16 GB internal storage aser 2 GB RAM keta lir. phone anaprongla nung external memory card slot densema lir, koba microSD amshia 128 GB tashi ulua amshitettsü.
Phone indang camera reprangdangra anaprongla nung 13 mega pixel (MP tesülen camera aser tejaklen selfie camera 5 MP, ta alitsü.
Maneni phone anaprongla nung sendakteptsü asoshi 4G, VoLTE, 3G, Wi-Fi, Bluetooth aser GPS keta lir, aser fingerprint scanner den külemi Android-for-work security inoksema yanglua lir.
Eluga Pulse X nung battery tashi 3,000mAh aser Eluga Pulse nung 2,200 mAh ta alitsü.
Iba phone anaprongla linük ajunga nung Panasonic ayokdak ajak nung angutsü.