Panasonic-i India nung EV Charging Service lapoktsüogo

Monupii/May 17, 2019 (Agencies): India nung Panasonic-i parnok indang mezüng ‘Nymbus’ ta nüngja agütsüba smart EV charging service lapoktsüba sangdongogo. Iba EV charging nung osettsüset tem talisa charging ststion, swap station, onboard charges, telematics systems aser virtual components talisa cloud service, analytics, intuitive dashboard aser artificial intelligence feature tem densema lir.
‘Nymbus’ ya Panasonic India indang R&D-i yangluba technology sabang balaka lir. India nung mobility market renloka aoba liromedema aotsü nükjidong nung iba EV charging service yanglutsü.
Mezüng shilem ka ama, Panasonic-i electric mobility service providers’ SmartE aser qQuick naprongla den longjema iba EV yanglu, koba Panasonic-i Delhi NCR tesem nung 150 SmartE electric three-wheelers aser 25 qQuick 2 wheelers asoshi iba EV charging service lapoktsütsü ternemba lir.
Panasonic-i EV charging amenoktsüba nükjidong ya EV users, EV kibur, e-commerce & logistics compant tem parnok maparen ayongdaktsütsü asoshi lir.
Iba service nung telematics sensors inoka yanglutsüogo, koba ajanga users temi real-time data yanglutettsü. Iba system ajanga fleet managers maparen asadanga aser achaayangtsür. Ano külen, cloud aser app service ajanga EV aser fleet owners temi mela mela anatiba charging point bushitsü asoshi tetuyuba agütsütsü.