Panasonic-i P66 Mega smartphone sayaogo

New Delhi, February 9 (Agencies) : Panasonic India-i digital tsütsü terenlok tali angutsü atema yangluba P66 Mega smartphone Mongulbarnü sayaogo. Iba phone nung India nunger oshi 21 amshiteter. 3,200-mAh battery den 2 GB RAM enokja aliba phone ya sen 7,990 agi ayoktsü. Iba P series phone tasenba ajanga nüburtemi pei oshi nung text sütettsü.
P66 Mega smartphone nung 5-inch high-definition IPS display, 1.3-GHz quad-core processor, tesülen LED dena 8-megapixel (MP) camera aser tejaklen 5-MP camera ketja lir.
Iba phone sayaba mapang jembidang Panasonic India, nung business tekolakba (mobility division), Pankaj Rana-i, “Digital India ya digital telemsa ajak technology aser pei oshi amshia sentakteptepba dang ajar. India nung mobile amshir timba akümba ajanga digital tsütsü jangraba jangja meteter. Tan iba phone tasenba nung oshi aika amshitetsüsa yangluba ya smartphone technology amshia nüburtemi mobile banking, online shopping, aser social networking mela mela amshitettsü asoshi maongka lapoktsür,” ta ashi.
Iba phone ya tekapu nung kanga junga asemer aser tereprangtsü kanga tajung lir. P66 Mega smartphone ya sentsü asem nung angutsü—- electric blue, rose gold, aser russet brown, aser phone alidang screen guard o back cover na angati agütsütsü.