Patna, February 2 (Agencies) : Panchayat election nung toktepnertem kidang metsümeshidak tesem meliaka shilem agidaktsütsüla, ta Mongulbarnü Bihar cabinet-i telemtetba agiogo. Iba election ya March nungi April tashi nung agitsü.
“Chief Minister Nitish Kumar menden buba sür State cabinet senden amendang panchayat election nung shilem agitsüpur atema metsümeshidak tesem yanglutsüba sülen state nung sensakertem nema metsümeshidak tesem yanglutsütsü renem,” ta ketdangser kati ashi.
Yaküm August ita nung state assembly-i Bihar Panchayati Raj Act, 2006 nung January 1, 2016 nü tashi nung kidang tajemba agi ‘latrine’ ka danga melira panchayat election nung shilem magidaktsütsü ta enoksema yanglushir ayu.
State Cabinet-i telemtetba agütsüba sülen iba inyakyim nung temelenshi ka adoker.
Official data osang ajanga sayuba agi, Bihar nung nisung million aika tang tashi metsümeshidak tesem makai liteper.
You must be logged in to post a comment Login